يانآس يأعالم موضوع سخيف بس ترا الرد عليه يهمني ..مسألة تكملة دراسة وإلا قعدة البيت..!!

السلام عليكم ..

صباحكم | مساءكم
ورد وَ جوري


رح أدخل بالموضوع على طول ..


مدري شقول بس ..

إذا طلع في حياتكم شخص ..مو أي شخص إلا عندك صديق ومن 6 سنين ..
وماتشوف إلا وافترقتوا كذا فجأه ..

مع العلم إنه صار له فتره مايعاملك عدل ليش ماتدري يعني مش صريح ..
تكلمه ويرد عليك من خشمه وهو عاطنك ظهره ...

طيب هذا كله مو مشكله ..[[ سخافه ]]


المهم هنا..

إنه صار عنده صديقين ..وشافك واقف ..وصار يروح ويجي وياأرض أشتدي محد قدي ..

وحركات ماتجي على البال ..ولا أقدر أقولها..

وإذا أنت واحد مايبغى لك شي وتتأثر وتيأس ..شسوي ..

بجد مدري شسوي ..أقطع الدراسه بس لسبب تافه زي ذا ..
هو صحيح تافه بس التفكير يتعب ..

أنا إلي قاهرني انه لما كان معاي غييييير

واحين غيييير ..

وانا مانا فاهم شي ..


المشكله وبكل صراحه ان أنا جبان أنا أتوقع لوتجي تشابقني مابقدر أسوي ليها شي..

بس ساعات مع الشحن {{ يعني إذا أحد تكلم لي وشحني شحن شباق ودفاع عن النفس }}


أدري خربطت واجد في الكلام والكلام مو مرتب وكلمه يمين وكلمه يسار ..
بس أتمنى أشوف وجهة نظركم ..

لاأحد يقول لي أكسبي الناس وصادقي غيرها أبي رد إعتبار ..

ولا أحد يقول لي أكلمها وأتفاهم ليش صار كذا ..





أتمنى ألاقي ردود ..




وعذراَ في البدايه كان أسلوبي مو مفهوم


وقبل ماأنسى ترا هالصديقه قصدي إلي كانت صاحبتي البايخه ..

كاتبه لي عيش نذل تنحب .. على جدار في المدرسه إلي كنا نوقف جنبه ..يعني واضح تعني من ..





وأبغى أطنش ماني عارفه ..

و يقولوا طنش تعش تنتعش ..

طيب وإلي مايقدر يطنش ..


وآلله قهر ..




نشرتي خلصت ..

أتمنى أشوف تعليقات


سلملم

حااااااال الدنيا ياااااااااااااااااااااااقلبي

طبعا أكيد إلي تتكلمين عنها عندها راس صح ..!!

طيب شفتي راسها إذا جت بسوي لك أي حركه خذي أي حجره وديك الضربه على راسها ..اوكي


وبعدين ماانصحش بالهزيمه وتتركي الجو ليها فاضي في المدرسه

كملي دراستش ترا بتندمي بعدين

والتطنيش مو صعب ابدا مع الايام بتحسي ان كل هدا عادي

وزي ماقالت عنوشه دي حال الدنيا


وناس زي دي ماتستاهل التفكير فيهم


هذ من وجهه نظري

عنوشه مشكوره قلبي

خوي الصمت انا أقول لو أنت مكاني كان أحسن قوي والله .. مشكور

بصراحه تفشلت ..


ماني داخله المنتدى لمدة شهر .

السلام عليكم


انا لي اكثر من تعليق على الموضوع

1- اذا كان الموضوع سخيف مثل ما ذكرتي فهذا شي جميل جداً،، يعني ممكن تقدري تتخلصي من المشكلة بسرعة لانها سخيفة.

2- اتخيلي الحياة بدون الانسانة هذي،، هل راح اتكون احسن واجمل لو سيئة

- ان كانت سيئة ،، حاولي حل المشاكل السابقة وراح ترجع علاقتكم مع بعض ان شاء الله

- اما اذا كانت الحياة احسن وهذا الغالب فالشجاعة والتفكير ان مافيه احد يموت قبل يومه راح يساعدش واجد على التخلص من الانسانة هذي.


3- ليش انتي اتحطي اللوم على الشخص الثاني انه هو الي غلطان؟؟ يمكن انتي سويتي شي ليها خلاها تتصرف بالشكل هذا.

اتمنى ان تعودي النظر ولكن اتركي فكرة ترك الدراسة فانها دليل على انهزمك في اول شوط من الحياة.

الحياة امامك والتجارب سوف تنسيكي كل هم وحزن،، سدد الله لك الخطى ولك مني الف تحية

اهلين حلم شاعر


اتمنى ما اسمعش مرة ثانية اتقولي بترك الدراسة
اكيد هذا غلط واكبر غلط بعد


كنت عندي صاحبتي من اول ابتدائي وصارت علا قتنا مرة قوية الى درجة ان كل خميس وجمعة هي اتكون مقيمة معانا في البيت

يعني حتى النوم


طبعا مرت الايام والسنين ووصلنا الى اول ثانوي واحنا صديقات جدا

وهي انخطبت وصرت اجهز معاها الى زواجها واجهز الى نفسي وكان باقي شهر على يوم الزفاف

وفجأة ؟؟وشو صار


اتصلت باخد رايها في شئ الا ترفع اختها التليفون واتقول اليي اختي في الكوافير ___ المعنى ان يوم الزواج اتقدم واني ياغافلين ليكم الله


كأني قلت قصة حياتي


وكذا انتهت العلاقة وبصراحة مااقدر اضحي ابمستقبلي على شان صاحبتي في يوم من الايام فكرت تنحاش


اكيد بتاثر وبتضايق لكن هذه هي الدنيا


ولك خالص حبي

أبو مهدي .. sanfora .. مآري انطوانيت

شقد إبتسمت من قلب

أبو مهدي .. إلي ما تقدر تكسبه صديق، لا تكسبه عدو..حكمه جميله جداً.. بحطها في بالي دووومإنتي تقول إنك تبغي رد إعتبار
وتقولي ما تبغي مشاكل وهواش
طيب شلون يعني؟؟ يعني اني نفسي مو عارفه
نصيحة إعتبريها وحدة أول مرة تقابليها يعني عمرك ما شفتيها من قبل.. صاآر

ومشكووووووووووووووووووووووووور أبو المهد وااااااااااااااااايد


سنفورا .. اتخيلي الحياة بدون الانسانة هذي،، هل راح اتكون احسن واجمل ..أكيييد أجمل ماجاني من وراها إلا عوار الراس وليش اني متمسكه بها مدري .. الشكوى لـ الله ..
يمكن انتي سويتي شي ليها خلاها تتصرف بالشكل هذا.. حاولت أتذكر ماأتذكر شي يذكرفالشجاعة والتفكير ان مافيه احد يموت قبل يومه راح يساعدش واجد على التخلص من الانسانة هذي.
صح كلامك ميه ميه

ولك مني مليووووووووووووووووووووووون ألف تحيهـ



ماري ..اتمنى ما اسمعش مرة ثانية اتقولي بترك الدراسة ..إن شآء الله ماتسمعيها مره ثانيه..
كأني قلت قصة حياتي ..الله يعين أجل..هذا وانتوا من أول ..أستغفر الله بس

هم يقولوا لا للسرعهـ لا للمخدرآت ..لكن خلهم يقولوا لا للصداقات ههههه

زين إنك قلتيلي هونتي علي .. بس ضاق خلقي عليكِ

مشكووووووووووووووووووووووره حبي مآري كثيييييييييير




يسعد أيآمكم ..

وردودكـم غآليهـ ..

ومشكوووووووووووورين عليها كثييييييييير ..