مهم جدااااااااااااا

الرجاء اخواني واخواتي اعضاء منتدى العنكي ...

1- الرجاء المشاركة في قهوة العنكي للدردشة والسبب لوحظ انه الاعضاء الاكثريه اذا مو كلهم يدخلوا بس يطالعوا في الردود ولا يضيفوا اي رد ..
2- بصراحة انا اتسآئل من الإضراب اللي صاير على القهوة لسبب كبير انا مانا فاهمنه ...
3-اتمنى من جميع الاعضاء التفاعل في القهوه واعتباره مكان للتنفيس عن الروح وتقريب وجهات النظر بين الاعضاء .

** اتمنى من جميع الاعضاء اخذ الموضوع بكل جديه وحتى لا يكون قسم القهوة مقتصرا على اعضاء معينين فقط.


ارجوا منكم ان تتقبلوا كلامي بصدر رحب ...

وتقبلوا فائق تحياتي واحترامي ..

كل شيء ولا زعل ز عيم الدردشه
عشانك بس ولا تزعل احاول ادخل وادردش
تحياتي

مشكوره اختي ام العلويين على الرد .... وما بغينا نشوف رد يا كثر المتصفحين للموضوع بس الرد يالله طلعنا برد اختي ام العلويين ....

وللمعلوميه اختي ام العلويين الدردشة ما فيها شي اسمه زعيم الدردشة .. الدردشة للجميع وكل واحد زعيم نفسه ..

ودخول الدردشة شي لك انتي ولجميع الاعضاء وإذا الشي علشاني .. يعني ما استقدنا شي .. انا ابي الاعضاء يدخلون الدردشة علشان يعطونها حقها زي باقي المنتديات .. واذا بتقتصر القهوه على اعضاء معيينين انا بنسحب منها .. ............

******** ارجوا انكم تعطوا كل قسم او كل موضوع حقه من الرد ********

واذا عني انا فأنا انسان مقصر في الردود واذا احد لاحظ نشاطي في قسم الدردشة فليس هذا علشان انا ابي ابرز نفسي ولا مخفف نفسي وقاط وجهي في الدردشة لا ..... لان باقي الاقسام اغلبها خاصه بقسم حواء .. وباقي الاقسام لا يوجد بها مشاركات جديده ...

المهم لا اطيل كلامي ...

مشكورة ام العلويين بس حبيت اني اعقب على كلامش واوضح شي ما..........

مشكور اخوي

مو عشان شي ما ندخل بس اني ما حبيت الموضوع مادري حسيته شات


واني ما احب الشات

هدا احساس مو يعني هي شات

سوري

طيب اختي عنوشه انا باقول ليش شي مهم ... انتي تعرفي ان اغلب اعضاء المنتدى كلهم من فئة البنات وما فيه الا انا طير الحباري وابو مهدي وسنفوره وابو جود ومستر العنكي ..........

طيب خليني انا طير مانا من العائلة واعتقد ان الباقي كلهم من العائلة واغلبكم اولاد عم أو اخوان ....

واحنا اذا تكلمنا مانتكلم عن اشياء شخصيه ... واللي راح يتطرق لشي شخصي اكيد راح الشخص الثاني يصده او يردعه ... وبعدين احنا في هذا المنتدى ما فيه احد داخل علشان يفكر تفكير ثاني .. الكل داخل وحاط في باله انه اعضاء المنتدى الشباب فهم اخوانه والبنات خواته .. وهذا معتقد الكل ..

اما الشات اللي تعتقدي الدردشة حقتنا مثله فلا كلامك مهو في محله ... الكل محترم حاله في هذي القهوه او الدردشة ... اما الشات اللي نعرفه ويعرفه الجميع فهو لناس غير محترمه وهدفها الرئيسي معروف .. وما يكون هناك احترام ولا كلام لائق يليق بالشخص اللي انت قاعد تكلمه .. والمفروض ما اقول هذا الشي لانه المفروض انتي اختي عنوشه يجي في بالك هذا الكلام ..


وفي الاخير اشكرك كل الشكر على مرورك وردك والله يعطيك العافية ...

دكتوره بصراحة رديتي رد بصراحة واضح وواضح من ردي


وان شاء الله الكل يشيل من باله هالمعتقد هذا ..

وانتو كلكم تعرفوا بعض ويمكن تجلسوا مع بعض .... وابو مهدي ما خلى المنتدى لكل من جا وسجل خلاه مقتصر لبيت العنكي وكل من اخذ منهم .....

فهدفه علشان انتوا تاخذون راحتكم في المنتدى ولا تخافون من اي شي .........

قلت انكم بتفهموني غلط

سوري طير الحباري

ادري ان كلكم محترمين وعلى عيني وراسي

بس اني من اول ما انفتحت حسيت بهالشي وترى اني اصلا ما ادخلها لا اطالع ولا ارد

وهنا ما حبيت ادخل وما ارد على الموضوع

فحبيت ابين الشي بس



اتاسف وبشده(( يمكن لو ما رديت احسن))

مشكوره اختي عنوشه على ابداء الرأي ...

وإختلاف الرأي لا يفسد للود قضيه ...

واشكرك كل الشكر لانك على الاقل ذكرتي السبب اللي يخليش ما تدخلين القهوة .. وهذا اللي احنا حابين نعرفه من كل الاعضاء .....


وفي النهاية كل واحد يرد على الموضوع اللي يرتاح اليه ..

اني ما ادخل هالايام القهوة لان ما افهم شي انت وكم وحدة تسولفو واحنا ما يصير نطب في وصت السالفة

اختي الاحلى .. لا ادخلي وسولفي وانا وكم هالوحده هذي راح نعطيش اهتمام اكبر من ما تتوقعيه ... واحنا جالسين نتكلم لان ما فيه احد يدخل ............ واحنا قلنا ان القهوة هي مكان لترفيه عن النفس وايضا للفرفشه وليست محتقره على اناس معينين ....

آمل انك تتفضلي وتكوني من الاناس اللي يدور معاهم الحديث والنقاش


تقبلي كلامي بصدر رحب ..

شكرا

بالنسبه لي فأني ماأرد لأن مثل ماقالت الأحلى تكونوا تتكلموا في شي وميصير نطب في النص




وشكرا أخوي طير على التنبيه

هلا ابو مهدي .. الله يعطيك العافية

انا طرحت الموضوع علشان يكون تفاعل بين الاعضاء في القهوه فقط لا غير وحبيت اوضح وجهة نظري للي ما حبوا يدخلوا ويشاركوا ..... على كذا اعتذر اذا صدر مني اي كلام او اي سوء جرح احد المشاركين وبالاخص الاعضاء اللي كتبوا وجهة نظرهم ....

واتمنى انه ما فيه احد زعل من كلامي واذا احد زعل انا اقدم اليه اعتذاري .. وما قصدي اني ازعل احد ..


واذا تم اتخاذ اي اجراء فما راح يزعل اي احد لاننا كلنا اخوان ان شاء الله وما حد يزعل من احد ...

بسم الله الرحمن الرحيم


شكرا طير الحباري على الموضوع وانا اعرف ان نيتك طيبه من الموضوع وطريقة طرحة.

1- انا واحد من الجواسيس الي سمتهم "البلسم" ادخل القهوة اقراء واطلع يعني من شهر تقريبا والاعضاء الي شاركوا في القهوة ما اتغيروا صحيح في ناس تدخل تتكلم كم كلمه بس الي يجي يرد ينساهم ويتكلم مباشرة الى الاشخاص الموجودين سابقا،، هذا يمكن اكبر سبب يخلي الاعضاء تتجنب المشاركة في القهوة.

2- هناك الكثير من المواضيع الشيقة والحوارات التي لم نرى اي عضو ومنهم " طير الحباري" ان قام بفتح موضوع جديد يحثهم على المشاركه فيه.

3- عندما يطلب مني المشاركة في القهوة وانا لا اهتم بها لا يعني ان الموضوع يتغير منحاة الى مهاجمة العضو وتفسير كل كلمة مثل ما تريد.

4- القهوة موضوع مثل اي موضوع اخر من اراد ان يشارك يشارك ومن لا يريد لا يجبر ولا يسفه.

أتمنى ان لا يفسر كلامي بغير ما قصدت

شكرا

شكلك فهمت غلط يا طير الحباري
اني قصدت بالزعيم لانك فعلا زعيم بافكارك وارائك مو شيء ثاني
وحقيقه تقال انت من العنصر الرجالي الي يعجبني تفكيره وطريقة تحليله للمواضيع
وانت تعتبر من الاعضاء الي يتواجدوا في القهوه وهدا دليل للمشاركه
ولا ينقص من شانك
عالعموم نأسف لهدا الخلل الفني
وما نقدر على زعل ابو الكوثر
تحياتي

أسمح لي أرد عليك ..سنفورة
لأخ سنفورة تقدر تدخل القهوة وتشوف اخر رد لك وتشوف الردود اللي بعدك..هل صادف انك دخلت وماحد رد عليك ؟؟؟ لك حق فيه...لان الاشياء اللي قلتها بالنقطه رقم 1 ماأشوف أنها تصير ولو صارت انا وحده اتأسف.... أنت وغيرك ارد على الكل
ا
انا ماشفت اي مهاجمه لأي عضو في هالموضوع ..كل مافيه لكل فعل رده فعل
انا ردت على طير الحباري في أول مشاركه وعلى اني ادخل القهوة ..و.ردت على عنوشة في تفسيرهااا لعدم مشاركتها فيهااا..وبس بدون اي تهجم وأنتقاد
ومثل ماقلت القهوة مثل باقي المواضيع ,,,, تقبل كلامي

وبعدين انااااا رديت في مشاركة ثانية لي...... رداً لأبو مهدي لان رده ماجاب فيه اي شي جديد ...فهو اللي قلب على االموضوع وفهم الكلام بالتهجم ..
.... وارد الحين لان اللي عقب على كلام طريقة غير مفهومة

وألحين ألقى رد بدل إقتباس من ردي .... يتحور يعني نفس الكلام اللي قلته ....أنا قايلة برد لي ان الشات معناهاا تحادث صحيح بس المفهوم عند الناس بمايشوفونه بالنت ..
م
ين اللي كفر؟؟؟؟ ماأظن أحد جاب شي من هالقبيل ابدا ولاأحد أنتقد أحد ...
وسوى الموضوع معركة
ولمين الاعتدار بيكون ومطلوب ؟؟؟؟

سوري على الاطاله

بسم الله الرحمن الرحيم

اللهم صل عل محمد وال محد

حتى لا يتحول موضوع النقاش الى حرب اهليه او زعل اود ان ابين لكم ما هو سبب تدخلي في الموضوع هذا بالتحديد

1- انا اتكلم عن نفسي وعن تحليلي الشخصي البحت لاسباب الخلاف في هذا الموضوع كعضو في هذا المنتدى بغض النظر عن اننا اقارب اخوان وابناء عمومه

2- بداية الخلاف في الموضوع عندما ذكرت "عنوشة" عدم رغبتها في المشاركه في القهوة ذكرت انها مثل الشات ووضحت انها لا تعني ان القهوة شات وانا اشكر لها وعيها وبعد نظرها فيما قد يفهم من كلمتها "شات" حيث انها بينت انها لا تعني ان القهوة شات .


3- كما هو في الرد المقتبس من رد الاخ " طير الحباري" نجد انه قام بتجاهل كل الكلام الذي ذكرته " عنوشة" وقام بتفسير القهوة واهدافها وانا ليست شات كما تدعي واكثر كلمات دلت وبينت عدم فهمه لما كانت تعني عنوشة هي
"
اما الشات اللي تعتقدي الدردشة حقتنا مثله فلا كلامك مهو في محله ... الكل محترم حاله في هذي القهوه او الدردشة ... اما الشات اللي نعرفه ويعرفه الجميع فهو لناس غير محترمه وهدفها الرئيسي معروف .. وما يكون هناك احترام ولا كلام لائق يليق بالشخص اللي انت قاعد تكلمه .. والمفروض ما اقول هذا الشي لانه المفروض انتي اختي عنوشه يجي في بالك هذا الكلام .."

4- اتمنى ان تكون الصورة واضحة للجميع لما ابو مهدي وانا تدخلنا واوضحنا انه تمت مهاجمة "عنوشة" في هذا الموضوع.

5- اعتذر واستسمح من جميع الاعضاء، واتمنى ان يعلمني من لم يسامحني حتى التمس العذر منه الى يوم القيامة وشكراً

طــ الحباري ــير كتب:

طيب اختي عنوشه انا باقول ليش شي مهم ... انتي تعرفي ان اغلب اعضاء المنتدى كلهم من فئة البنات وما فيه الا انا طير الحباري وابو مهدي وسنفوره وابو جود ومستر العنكي ..........

طيب خليني انا طير مانا من العائلة واعتقد ان الباقي كلهم من العائلة واغلبكم اولاد عم أو اخوان ....

واحنا اذا تكلمنا مانتكلم عن اشياء شخصيه ... واللي راح يتطرق لشي شخصي اكيد راح الشخص الثاني يصده او يردعه ... وبعدين احنا في هذا المنتدى ما فيه احد داخل علشان يفكر تفكير ثاني .. الكل داخل وحاط في باله انه اعضاء المنتدى الشباب فهم اخوانه والبنات خواته .. وهذا معتقد الكل ..

اما الشات اللي تعتقدي الدردشة حقتنا مثله فلا كلامك مهو في محله ... الكل محترم حاله في هذي القهوه او الدردشة ... اما الشات اللي نعرفه ويعرفه الجميع فهو لناس غير محترمه وهدفها الرئيسي معروف .. وما يكون هناك احترام ولا كلام لائق يليق بالشخص اللي انت قاعد تكلمه .. والمفروض ما اقول هذا الشي لانه المفروض انتي اختي عنوشه يجي في بالك هذا الكلام ..

وفي الاخير اشكرك كل الشكر على مرورك وردك والله يعطيك العافية ...