[center]السلام عليكم جميعااا
أعتدر على التاخير في الرد
بس مثل ماوعدتكم أني رح أكتب يومياتي في يوم السبت
ونبدأ من البارح قبل ماأنام.... ع الساعة 3 سبحت ورتبت أغراضي وغسلت وعالسريرررررررر ومانمت إلا الساعة 4
رن رن ترن رن رن....رن المنبة على الساعه 6 وربع ....فتحت وأنا مصحصحة بس قلت خليني انام لي ربع ساعه وأقوم
جلست وأنا مبسوووووووووووطة لاني شبعت نووووووم ....وصلت الساعة 7 إلأ ربع كان أفز بسرررررعة وأقوم
على أصبحنا وأصبح المللك لله....لا إله إلا الله سبحانك إني كنت من الظالمين
غسلت وتوضيت للصلاة ...صليت ولبست وخلصت إلا والجوال يرن وصوت الهرنات بره...إلا هو السواق جاء الساعه 7 ..أدري أني سريعــة
المهم نزلت بسرعة شربت لي موووية ولبست الجزمة الله يكرمكم...دورت لي علكة مالقيت.شربت لي موووية وقفلت الباب وطلعت...
ركبت الباص...السلام عليكم ,,صباحك خير يابنات...شخباركم؟؟
المهم ووالكل مفهي وساكت وماله خلق عاد جايين من الويك اند وكل واحد خلقه في خشمة
طلعت الجوال إلا مسج من وحده من البنات ..تقول انها مابتجي وأوقع لها حضور
رديت عليها بمسج وقلت لها...تأمرين أمر ياحلوة ..ولو هيدا وجبنا...
وبعدها فتحت الصوتيات على دعاء الصباح
خلص طلعت كتيب الأدعية من الشنطة وقريت بدعاء يوم السبت
وبعد ماخلصت طلعت كتابي قلت بقرأ فيه كم كلمة ..بما انه جو الباص ماكان يحمس الكل نعسان وماله خلق
جلست أتصفح فيه وقرأ من كل بحر قطره ..اللي يعجبني أقرأ فيه
لحد مارفعت رأسي لقيت أنه احنا وصلنا عند الهرم بلازا
هنا قفلت كل شي دخلت الكتاب بالشنطة ..طلعت لي أقلام وكلينكس وحطيتهم بجيبي...لبست البطاقة
ورتبت نفسي...لين وصلنا المستشفى (( مستشفى النساء والولادة))
![Mad](https://2img.net/i/fa/i/smiles/icon_mad.gif)
على الساعة 8
نزلت من الباص ..وكان على جنب البوابة الخارجية للمستشفى ستار بكس ....لاحد يصدق
وين هدا وين ستاربكس ...احنا نسميه كدا والله هو صندوووق مدري صندقه يعني بقاله صغيره
أشتريت لي موووويه
دخلنا المستشفى ...وقلت مابركب بالمصعد ..وأركب لي 5 أدوار بالدرج
لين وصلت الغرفة فوق...شلت عبايتي...أخدت دفتري وملفي والموويه
رحت دورة المياة الله يكرمكم علشان أغسل وجهي لان كان في فيس ماله خلق
وبعده رحت علشان أوقع حضور وبعد ماخلصت كتبت أسمي على المويه
اااي لانووو أخاف أدخل عى غرفه مريضه ويكون عندها غرشة ماي نفس حقتي وعاد وش عرفني وين حقتي ووين حقتها ادا خليتها على طاولتها ورحت أفحصها ,,,,,,,,,,وش رايكم بالحركة
المهم لقيت بعض البنات وسلام وأسئلة على الطائر مين بيجينا ومتى بنخلص ,,,ومتى بنخلص هدا أول سؤال ينسأل كل يوم
نزلت على الدور الثالث بشوف لي حالة علشان أخد التاريخ المرضي من المريضة
سويت راوند ماعجبني شي بالوورد
نزلت الدور الثاني...نفس الشي ماعجبني شي ..كلهم نفسهم والحالات ماتتغير
وطبعا هدا سالفتنا كل يوم بالهقسم ماكو شي جديد
تدخل..تحمل....تولد...تطلع..تدخل..تحمل....تولد...تطلع..تدخل..تحمل....تولد...تطلع..تدخل..تحمل....تولد...تطلع..
مالينا من هالروتين
لين وصلت الساعه 8 ونص...شافنتي الدكتورة سحر,,,,,,الاسم علشان لما تقراه نونه لانه تعرفها
سألتنا وش أخدتي اليوم من حاله
قلت له اابدا دكتورة ماكو شي جديد كل الحالات شفناها قبل
قالت لي الحين بدخل وحده جديدة وحلووووة شوي ورحو أخدو منها الهستوري,,,,اقصد التاريخ المرضي
قلت بقلبي مسكينة هالمريضة وش دعوه توها داخله مايمدها حتى تاخد نفس نروح نلزق بحلقها
المهم قلت انها بتجينا 9 ونص
نزلت اشوف الحاله طلعت أنعل ابو التعقيد
رررررررررررهيبة المريضة ربي يعافيها
بس عاد مافي شي ماتشتكي منها
المهم خلصت وركبت وخلتني اقدم الحاله وطبعا عجبها تقديمي
![Embarassed](https://2img.net/i/fa/i/smiles/icon_redface.gif)
وقالت good case
وأنا عاد
![Embarassed](https://2img.net/i/fa/i/smiles/icon_redface.gif)
ورجعت قالت بيرفكت
المهم خلصنا ناقشناها وقلت ننزل للمريضة نفحصهاا
رحنا لقيناها نائمة....بس من إزعاج البنات صحت
أستئدنت منها علسان أفحصها وافقت...........ومن ضمن التعليقات عليي في الفحص اني ماأكون ناعم بزياده
قلت طيب وبعدين المريضة فيها كوي واااااااااااااااااااااااااايد في بطنها انا على بالي هدا اثار حبوب وجدري او شي
فقلت كدا....فضحكت عليي الدكتورة ..وقالت لاتخمني لازم تسألي المريضه عنه
خلصنا على الساعه 11 بعدها قالت الدكتورة يلا نروح غرفة الولادة
دخلنا غرفة الولاده .....
ماكنا فيها إلا مريضتين والمريضة اللي كانت تبي تورينا وياه الله سهل عليها وولدت
والمريضة الثانيه لحقنا بس على المشيمة فالدكتورة كملت لين ماطلعت المشيمة
ووجلست تشرح علينا وووووو
المهم على الساعه 11ونص كلمنا دكتور من الدمام المركزي..ياحليله والله يحب يعلم الطلاب
وقلنا لنا وينكم انتوا...قلنا له بالدمام ...قال تقدر تجون الحين
قلنا له لازم الساعه 1 نكون بالتعليمي يعني الساعه 12 نطلع
قال اوك تعالوو بوريكم حاله ناااااااااااااااادرة أنا أول مره أشوووووفهااااا
طبعا تحمسنا وقلنا يلا نرووووح
وصلنا وشفنا الحاله وشرحها لنا وبعدين أستئدن منه علشان نبي نصلي ونمشي الى التعليمي
خلصنا وإلا وحده من البنات تكلمنا تقول ترى الدكتور مابيجينا في التعليمي يقول بس روحو انتي وشوفو الحالات
قلنا احنا دام هو مابيكون موجود واليوم السبت وش حقه نروووح يلا على البيت وكلمو السواق يجينا
كلمنا السواق يجينا وقال انا في الطررريق ...بس لو يعطيك الف ريال ويقولك صدقني لاتصدقه
عياااااااااااااااااار ..وإلا احنا بالاساس قلنا له نخلص الساعه 3 من التعليمي وش دعوه بيروح من الساعه 12 وبينتظر بالخبر لين مانخلص...يبي يسوي نفسه سواق مثالي ابو مواعيد وخر عنه
المهم ...نزلنا للدكتور نكمل معاه إلا وحده من البنات تشوفنا تقول وينكم يالله
قلنا له وين
قلت الخبر...قلنا لعبه توكم تقولون مافيه والحين فيه وبعد ماكلمنا السواق وكدب علينا وقال انه في الطريق
قالت ااااي هدا قبل بس الحين رجع كلم وقال تعالووو
المهم ركبنا بالباص باص الجامعه علشان نروح مستشفى التعليمي بالخبر
وشمس وحر وحادث شاحنات بالطريق ...يجيب الهم المشووووووووار
المهم وصلنا الساعه 1 ...وعالطول ع المحاضرة وكانو بنات معانا يروحونا مع سواقهم الهندي فأشترو لنا زعتر من درة الارياف وجلسنا نأكل بالمحاضرة بس أنا ماأكلتها ماعجبتني ... وخلصنا الساعه 2 ونص
وفي المشوار,,,كلمت لي صاحبة من زمااااااااااان ماكلمتها
يتبــــــــــــــــــــــــــــــــــع
![Basketball](https://2img.net/i/fa/i/smiles/icon_basketball.gif)