هذه قصة بنت كانت(تناظر واحد بعين قوية)

هذه قصة بنت كانت(تناظر واحد بعين قوية)
المهم الرجال طلع شاعر وماقصر
كتب فيها كم بيت بين فيها جملة من محاسن الأخلاق وبعض الآداب التي يحسن بكل فتاة أن تتأدب

بها .... ولكن الغريب أن القصة لم تخل من مفاجأه...!!

أترككم مع القصيدة لتكتشفوا مافيها...





(كل شبر بهالوسيعة ملك ربي تعلمين
وأعلم أن اللي خلقني هو خلق لك هالعيون

لكن أنتي من جلستي وأنتي فيني تحدقين
كن مابه ناس غيري بهالكراسي يجلسون

لو سمحتي عاد أسمعي وحتى لو ماتسمحين
المهم اللي بقوله تسمعينة ويسمعون

ع الأقل ليا نظرت سوي روحك تستحين
غضي طرفك مثل غيرك خوف ربعي يلمحون

الركادة عاد زينة والحياء فالبنت زين
وفيك جآزم لاركادة ولا حياء يذكرون

تعرفيني!! أعرفك!!ماأذكر أنا ملتقين
لاأعرفك من تكوني ولا تعرفي من أكون

وأطمأني أن كان قصدك بس فيني تشبهين
ماهو أنا اللي تعرفينة والبشر يتشابهون

مادريتي من التشابه يخلق الله أربعين
وأعرف أربع يشبهنك بس والله يستحون

وأن كان قصدك شي ثاني عاد قولي وش تبين
خايف أنا نصير فرجة واللي ماشتروا يتفرجون

وأذا ببالك عاجبتني لايحوشك تحلمين
صح ربعي من جمالك فيك صارو يمدحون

بس وش لي في حلاتك دام فيها ترخصين
حشمه البنت وحياها والكرامة يلفتون

ولو توفر فيك هذا مع حلاتك تبشرين ماهو

أنا ألف غيري باب بيتك يطرقون

وش علامك رغم كل اللي أقوله وتسكتين
مو طبيعي هالسكوت وهالبرود وهالسكون.. !

أنتي خرسا أسألك ولا منتي تسمعين؟؟
قالوا ربعي ذي كفيفة قلت لا لا تمزحون

لين شفتك يوم رحتي يمسكونك باليدين
مادريت ألا عيوني أربع أربع يذرفون

آآآه ياني منه مشهد يوم شفتك ترحلين
جيت أشوف عيون ربعي لقيت الكل يدمعون

قلت سنة هالحياة وحنا ترانا مؤمنين
الله اللي مسيرنا بين كاف وبين نون

وكل أبونا نختلف مع أننا من أصل طين
سبحان يااللي مصورنا ولله في خلقه شؤون

يعني حنا كل أبونا عاد أسمنا بنادمين
وليا قضى ربك أمر وقال له كن فيكون

فينا يااللي رازقه خير رب العالمين
وفينا يااللي لو لعطفة بحاجه القلب الحنون

وفينا يااللي ماشكى من عله كالآخرين
صم وبكم وعمي فهم لا يفقهون

بس قليل عاد فينا للنعم هم شاكرين
والله يرزق هالخلايق من حيث هم لايعلمون

وتدرين عاد يالكفيفة حنا ترى متشابهين
وأن مانعمت أبصارنا قلوبنا هم اللي يعتمون

يالكفيفه يالعفيفه أن قلت آسف تقبلين؟
يغفر الله ذنوب عبده ليا خطا وهل تغفرين؟





}}منقوله وش رأيكم فيها{{

مشكوره يا رغد الغيداء

صراحة قصيدة قوية والأقوى المفاجأه.

صدق الإنسان لازم يتأنى ولا يستعجل في حكمه.