في بداية صباحي ....جلست في تمام الساعه 7
وطبعا المفروض يمرني الباص في هذا الوقت
صحيت وأنا 
المهم قمت بسرعة..وجهزت وخلصت بسرعة..ونزلت شوي وأطيح ع الدرج ((الشراب كان يزحلق 
))
وطبعا الباص صار له ربع ساعة ينتظر......بس أفا عليكم سريعه 
المهم ..وصلت المستشفى
جاني الدكتور...قال لي صباح الخير
قلت...صباح الخيرات
قال ..يلا تعالي علشان تختارين رقم
قلت ....لازم
قال...ايوه
قلت...طبعا أنا وحدة جالسة متأخرة ووجها لسة فية أثر النوم
قال...اوك كذا كويس
قلت..دكتور
الله يخليك ابي حاله سهلة
المهم...أخترت الرقم
قال .. ماشاء الله ونعم الأختيار
ياحضك الحاله والمريضة مره سهلين
والدكاترة اللي بيكونو معاك مره سهلين وطيبين لاتخافين
قلت.....الحمدلله,,,,,,بس ربنا يستر
مشينا في أتجاه الى المصعد
قال ..وش أسمك
قلت..فلانة
قال..اهاا,,,طيب وش يقرب لك فلان
قلت...اااي اهااا تعرفه
أجل
ماأوصيك...علشان خاطر هالفلان
قال...لا انشاء الله كل شي كويس وكل شي تمام والدكاترة مثل ماقلت لك طيبين وحبوبين
قلت ..الحمدلله,,,بس هالله هالله
>>>>>>ملزمة البنت
طيب ..دكتور وشو حالة المريضة
قال ألحين تعرفي
واحنا نتظر المصعد يوصل ((نحنا بالدور الاول))
طيب... في أي طابق المريضة
قال..بالطابق الرابع
قلت له..خلاص انا بركب بالدرج
قال ...لا انتظري 
المهم..أنتظرت لحد ماوصل
قلت بقلبي وأخيرا يامصعد من متى وانا أنتظرك
ركبنا المصعد....
ويوقف بنا عند الدور الثاني
دكتور...يعني شلون بنطلع
قال الحين يفتح
دكتور...
شفت شلون أنا قايلة لك أبي انزل بالدرج وش لي اسمع كلامك وانتظر
خلاص على اللي صار لك زيادة علامات
اوووه حركات الحمدلله مانزلت بالدرج...كم الزيادة >>>>>> وحدة ماصدقت هالكلمة
المهم بعد المحاولات والنداء بالصوت العالي((بس لاحياة لمن تنادي))...واستدعاء الطوارئ...مافتح الباب الا شوي مره فتحه صغيره
بس اهم شي قدرت أطلع منها <<<<<<< فوائد الضعف والرشاقة في هالوقت
المهم طلعت بالطول من هالفتحة
واللي جاء يفتح الباب تعب وقال بينادي احد
وانا تباعدت من المصعد اشوف احد ينقذ الوضع
يمين يسار يمين يسار يمين يسار مالقيت رجعت اشوف وش صار
لقيت الباب مفتوح وماكو أحد
وينه هذا ابي اختبر وش هالحوسة...وش هالحظ وش هالتاخير
وارجع الف يمين يسار يمين يسار
لين ماقلتيه وقال يلا ترى الوقت ضاع
قلت بقلبي ماجبت شي جديد
المهم لحد ماوصلنا الغرفة
وتلاقيت مع الدكتور اللي بيختبرني
قال..وينك من زمان وانا أنتظر
قلت ..دكتور لان
قال..أوك يلا
تعالي...هذه المريضة وعندك 30 دقيقة علشان تخلصي ,.تأخذي التاريخ المرضي وتسوين الفحص
قلت...أمبية بس 30 دقيقه
قال..أيوه الحاله مره سهله ومايستدعي وقت أكثر
قلت...أوك أنشاء الله اللي تأمر فيهوهنا تبدأ المعاناه مع السودانيــــــــةدخلت...السلام عليكم
المريضة...طبعا وحدة سودانيه دوبها تسمع
مره ثانيه..السلام عليكم
المريضة ودبها ترد...وعليكم السلام
قلت..معليش معاك فلانة..طالبة طب وعندي أختبار ..
أدعي لي
قالت..
بس دقيقتين
قلت..دقيقتين
أقولك عندي أختبار وانشاء الله ماأخذ من وقتك غير نص ساعه
قالت..لا أبي أنام
سودانية وياحبك للنوم....
قلت...لالالالالالالا وش هذا
طلعت..
يمين يسار يمين يسار يمين يسار
أدور الدكتور لحد مالقيته
قلت له ..دكتور
السودانيه...أقصد المريضة..ماهي راضيه غير دقيقتين.ليش ماعندها خبر انه اختبار
قال ..الا عندها خبر وجاء معاي لها
قال له..معليه أحنا مقدرين ظروفك بس لازم الدكتورة تختبر عليك وتسوي لك فحص
وهذه انشاء الله بتكون دكتورة المستقبل ..دكتورة بناتنا وبناتكم وأهليكم
وضاع الوقت ..ودموعي على وشك الأنهيار
بس قلت بقلبي...لا يارورو تحملي وأصبري ولاتشيلي هم انتي قدها انشاء الله ويمدي تخلصي ونشوف وش نهاية هالسودانيه
المهم يوم انها وافقت
بدأت معاها...(((طبعا كل اللي صار حتى ماعرفت وش عندها قبل))
قلت ..يلا مشكورة وادعي لي واخلص بدري علشان تنامي
اااي عاد جبت طاري النوم ابتسمت أقصد تشققت
قالت الله يوفق لك يارب ويوفقكم كلكم هم اشوف بنات وااجد يجون ....................الخ ربع ساعه أخذت وهي تدعي
وش هالبلشة ماتسوى عليي
المهم..اختي وش اسمك؟
قالت (عبراء)
قلت عاشت الاسامي
قالت...انتي وش اسمك؟
قلت ..أمبيه وش فيها هذه مجنونه اقول لها اسمي علشان ماتسكر الموضوع
المهم رديت عليها...مو مشكله بعد مانخلص اقولك اسمي وكل اللي تبيه>>>>>>>>>>مثل اليهالوه سويت معاها
طيب وكم عمرك.؟؟
..........
........
.........
.........
مامدأني سألت كم سؤال
الا والاخت قائمة
وين...؟؟ردت رايحة الحمام
طيب معليش ماتتأخرين لان الوقت بدأ يضيع هذا اذا بقى لي وقت
قالت...ليش عندكم وقت معين
قلت...
تستهبل الاخت ااايوه موانا قايلة لك نص ساعه
راحت هي طبعا وانا على أحر من الجمر
وش دعوة ليش كذا هذا وانا موصيتها لاتتاخر
دخل الدكتور...قال لي باقي 10 دقايق
قلت....لالالالا لسه ماخلصت شي ولافحصت
والاخت بدورة المياه صار لها خمس دقايق لسه مارجعت
قال..ماأقدر أعطيك وقت حاولي بسرعه تخلصي وتفحصي على السريع
وينه اللي يعرف فلان
المهم..جات وكملت بسرعه بسرعه وجاء وقت الفحص
قلت لها..معليش ممكن بس ترفعين ملابسك ابي افحصك
قالت ..هذا جزء من الاختبار
تستهبل الاخت يعني لو مو جزء من الاختبار وش ابي في بطنها
قالت ...الدكتور هو قالك
قلت ...الله يخليك اقولك جزء من الاختبار..اكيد قالي افحصك يعني لازم ترفعي ملابسك
قالت..اوك بس انا لابسه 3 فساتين
3 فساتين...كل هذا برد وإلا الاخت جايه حفلة ع غفلة
قالت..تعرفي الدنيا برد والصباح يكون الجو بارد مره
قلت..اوك زين الواحد يتدفئ بس الله يخليك خليني اخلص
قالت..ولابسة 3 سراويل
وشو؟؟
و3 فنايل
طيب والزبدة تبين يعني أجيب لك ملابس مثلاالمهم ...رفعت أول فستان
الا والدكتور جايي...يناديني ويقول خلاص انتهى الوقت
دكتور....لالالالا ماخلصت
قال..اوك شوفي بسرعه البطن
قلت..عاد هالبطن راضي يطلع
طفح الكيل عندي وهي تسأل ليش جايك الدكتور وليش ماتبي تفحصي خلاص؟ ووووووووو.........
أخذت اغراضي وطلعت
الله لايعوده من يوم ولايعود عليي مثل هالمريضة
طبعا كان عندها قرحة في المعده
وهي اللي كنت ادعي انها تجيني بالامتحان
كانو الدكاتره مره طيبين تغاضوا عن اشياء وااااجد...كلام اللي يعرف الفلان صحيح عن كل اللي قاله
الحمدلله .......
رجعت وقلت لازم أصلي صلاة شكر
أزمة سودانية وعدت عليي على خير
أسفة على الأطاله
واتمنى انكم أستمتعتوا بقرائتها
GOOD LUCK
Dr.RORO 
الرئيسية 
أحدث الصور 
التسجيل 
دخول 
الجمعة يناير 23, 2009 6:45 am
