الوفاء ألوان وأشكال

زملاء يدرسون في بريطانيا

وبعد انتهاء فترة الدراسه قرروا يرجعون لاهلهم

فقال الكويتي للسعودي :::

قبل ما تروح للسعوديه تعال معي للكويت و بعدها رح للسعوديه فوافق السعودي وهم في الطيارة رايحين للكويت دق اخو الكويتي من الكويت وقال لاخوه ان جدتي توفت

فقال الكويتي لاخوه انا معي زميلي من السعوديه وعازمه فلا تقولون له شي حتى ما يضيق صدرة ولا احرجه نصلي على الجنازة وكنها لاحد من جماعتنا

لما وصلوا

صلوا على الجنازة وقعد السعودي له مدة في الكويت اعجب ببنت جيران الكويتي و قال لزميله اني ودي اتزوجها

فرح الكويتي وقال انا مستعد اخطبها لك و فعلا خطبها له وخبر السعودي اهله وسوو الزواج ورجع السعودي لديرته

وبعد مدة طويله كبرت تجارة السعودي وصار تاجر وغني

والكويتي خسر كل امواله وتجارته فقال مالي الا اروح لصديقي السعودي اكيد بيساعدني

وفعلا راح للسعوديه وهو منتظر يشوف زميله بفارغ الصبر لما سأل عنه ووصل لبيته طلع مو بيت طلع ساكن في قصر وكان الوقت متأخر فقال للبواب قل لراعي البيت ان زميلك من الكويت فلان بن فلان عند الباب وانه محتاجك مرة مرة وان حالته كذا وكذا

و بعد مارجع البواب عطى الكويتي شيء من باقي عشاء السعودي

تخيلوا

---------------

فضاق صدر الكويتي

وقال هذا جزاء الصداقه

المهم

وهو راجع على رجليه في الطريق!
لقى رجالين (من رجال الاعمال) يتراهنون على مليون اللي بيجيهم الاول بيعطونه المليون وكان من حظ الكويتي انه هو اللي جاهم الاول واخذ المليون و تاجر بها في السعوديه وقبل ما يرجع للكويت لقى عجوز معاها بنت وقالت له العجوز ابي اخلي البنت هذي عندك واروح احج اذا مارجعت تزوجها وخلها عندك

لما طولت العجوز عقب الحج اتزوجها وسوا حفله الزواج بالكويت وفي اثناء الزواج لقى زميله السعودي في الحفلة

لما شافه الكويتي غضب وقال للحضور اطردوا هذا خاين العشرة والصداقه
تخيلوا انه لما جا معي للكويت

وكانت جدتي ميته ما علمته عشان مايضيق صدره وخطبتله بنت الجيران اللي كانت في الاساس خطيبتي وفضلته على نفسي ولما جيته محتاج عطاني فضله عشاااااه

---------------
تدرون وش قال السعودي....؟!؟؟؟

قال اسمعوا واحكموا علي ......
انا يوم جاني الكويتي وهو محتاج ماحبيت اشوفه على حالته هذي عقب ماكان تاجر كبير واشوفه صغير ومحتاج واتفضل عليه بشي من عندي عشان كذا عطيته فضله عشاي

وبالنسبه للتاجرين اللي متراهنين على مليون هذولي اخواني انا مرسلهم عشان يفكون ضيقته

اما با النسبه للعجوز اللي معاها البنت فهذي امي والبنت هذي طبعا اختي

وش رايكم ما تبوني احضر زواج اختي؟

فعلا قصة مؤثرة وفيها دروس
لا عدمنا جديدك

مشكورة اختي أم ياسين على المرور

فعلا الوفاء الوان اشكال
لاعدمنا جديدك

روعة يا الله اني قعدة اسب في السعودي بس طلع وفي
وفائه ملون وبأشكال رائعة

وفاء خيالي ونادر
مشكور وننتظر القادم

مشكورين على المرور

ولا عدمناكم

قصه جميله
تسلم ..

قصة مؤثرة جابت اليي قشعريرة
مشكور

هههههههه
انا رايي من راي ام العلويين نادرآ مايحصل هذا الوفاء يعني في القرن مرة
عالعموم يسلموووو

أميرالشوق
مشكور على القصة العاطفية

وللوفاء ألوان وأشكال

ياليت نشوف مثل كذا هالايام

مشكور أمير الشوق لاعدمناك

القصة خلتني اصيح اااااااااااااةةةةةةةةةةة

بس حرام الحيرة الي عاشها لكويتي وهو ايفكر ان صديقة خاين مو وفي

قصة جميلة ومؤثر والى الامام دائما